"Өзімді кінәлі сезінемін": Игорь Шацкий "Шахтерге" оралуының себебін түсіндірді

Футболдан Қазақстан құрамасының қақпашысы Игорь Шацкий қарағандылық "Шахтер" клубына оралуының себебін түсіндірді. Бұл туралы KAZ.NUR.KZ хабарлайды.

Бүгін, 6 желтоқсанда Игорь Щацкий "Ақтөбе" футбол клубынан қарағандылық "Шахтерге" ауысқан еді. Ол Instagram-дағы Stories-ке бұл шешіміне не себеп болғанын жазды.

"Мен оралдым! Осындай шешім қабылдадым, өйткені маңызды кезде "Шахтердің" жанында болмағаным үшін өзімді кінәлі сезінемін. Мен клубтың Премьер-лигаға оралуына көмектесу үшін бар күшімді салуға дайынмын", - деп жазды Шацкий.

35 жастағы қақпашы Игорь Шацкий өткен маусымда "Ақтөбе" клубында ойнаған еді. Ол ақтөбеліктермен бірге Қазақстан кубогын жеңіп алып, ел Премьер-лигасында қола жүлде иеленді.

Айта кетейік, биыл "Шахтер" футбол клубы тарихта алғаш рет Премьер-лигадан шығып қалған болатын. Қарағандылық команда келесі маусымда бірінші лигада ойнайды. "Шахтер" –Қазақстанның екі дүркін чемпионы, ел кубогының иегері, сондай-ақ еурокубоктардың топтық кезеңіне өткен бірінші қазақстандық клуб.

Мәтіннен қате тапсаңыз, бізге жазыңыз