Тәжірибелі қазақстандық жартылай қорғаушы Исламбек Қуат "Жеңіс" футбол клубының қатарына қосылды. Бұл туралы KAZ.NUR.KZ астаналық клубтың баспасөз қызметіне сілтеме жасап хабарлайды.
Исламбек – елорда футбол мектебінің түлегі. Оның спорттағы жолы осы "Жеңіс" футбол орталығынан басталған.
Исламбек кәсіпқой мансабында "Оқжетпес", "Астана","Ақтөбе", "Қайрат" және ресейлік "Оренбург", "Химки" футбол клубтарында ойнаған.
"Қайраттың" сапында екі рет Қазақстан Кубогының иегері болған. Ол елдің жоғарғы дивизионында және Қазақстан Кубогында 250-тан астам кездесу өткізген. Қазақстан ұлттық құрамасы сапында 64 ойын өткізіп, 6 гол соққан.
Естеріңізге сала кетейік, бұған дейін "Қайрат" академиясының түлегі, 16 жастағы Дастан Сәтпаевтың мансабын атақты "Челси" клубында жалғастыратынын хабарлаған едік.
Мақаланың түпнұсқасы: https://kaz.nur.kz/sport/football/2221295-tanymal-futbolshy-islambek-quat-astanalyq-klubtyng-qataryna-qosyldy/
