Top.Mail.Ru
Спорт

Сайт нұсқасы

ru kz

Зектілері

Бапкері ауысқан "Барыс" хоккей клубы қатарынан екінші матчта жеңіске жетті

Опубликовано:

"Барыс" хоккей клубы
"Барыс" хоккей клубы. Фото: hcbarys.kz

"Барыс" хоккей клубы ҚХЛ тұрақты чемпионатының матчы аясында өз алаңында мәскеулік "Динамоны" қабылдады. Астаналық клуб қарсыласын буллит сериясында жеңіп кетті, деп хабарлайды KAZ.NUR.KZ.

Астаналықтар ойын барысында есепте екі мәрте алға шықты. Алайда тартысты кездесу овертаймға ұласып, бәрі буллит сериясында шешілді. Нәтижесінде матч 3:2 есебімен алаң иелерінің жеңісімен аяқталды.

Мәскеулік клуб сапынан Джордан Уэл мен Никита Гусев шайба соқты. "Барыстан" Әділ Бекетаев пен Райли Барбер мергендік танытты. Жеңіс сыйлаған буллиттің авторы Батырлан Мұратов.

13 қазан күні "Барыс" өз алаңында Ярославльдің "Локомотивін" қабылдайды.

Айта кетейік, жетінші қазан күні белорусиялық Андрей Скабелка "Барыс" клубының бапкері қызметінен кетті. Оның орнына Қазақстан ұлттық құрамасының бас бапкері Ғалым Мәмбетәлиев келді. Мәмбетәлиевтің басқаруымен бірінші матчта "Барыс" ресейлік "Трактор" командасын жеңген еді (2:0).

Мақаланың түпнұсқасы: https://kaz.nur.kz/sport/hockey/2040681-bapkeri-auysqan-barys-xokkei-kluby-qatarynan-ekinsi-matc-zeniske-zetti/