Шайбалы хоккейден еліміздің әйелдер құрамасы Харбиндегі қысқы Азия ойындарының финалдық кезеңін сәтсіз бастады. Бұл туралы KAZ.NUR.KZ Спорт комитетіне сілтеме жасап хабарлайды.
Бүгінгі ойында ұлттық құрама Жапонияға жол берді. Есеп: 0-4.
Матчтағы алғашқы шайбаны Жапония құрамасы салып, екінші кезеңде басымдығын арттыра түскен (0-2). Ал шешуші кезеңде қарсыластың шабуылға шыққанын пайдаланып, жапон хоккейшілері тағы екі рет мергендік танытқан.
Енді ертең (сағат 11:00) А тобында Қазақстан мен жарыс қожайыны Қытай құрамасы кім мықтыны анықтайды.
Ал 14 ақпанда (сағат 7:00) біздің спортшыларға Оңтүстік Корея ойыншылары қарсылас болады.
Естеріңізге сала кетсек, бұған дейін хоккейден еліміздің ерлер құрамасы ширек финалда Гонконгтан 24:0 есебімен басым түсіп, қысқы Азия ойындарының жартылай финалына шыққан еді.
Мақаланың түпнұсқасы: https://kaz.nur.kz/sport/hockey/2220033-aziada-2025-hokkeiden-qazaqstan-aielder-quramasy-zhaponiiaga-ese-zhiberdi/
