"Тамаша жұмыс": жеңіліп көрмеген UFC файтері Мұхаммед Мокаев Асу Алмабаевтың жеңісі туралы пікір білдірді

Жеңіліп көрмеген UFC файтері Мұхамед Мокаев кеше ғана жекпе-жегін өткізген қазақстандық файтер Асу Алмабаевтың UFC-дегі жеңісіне қатысты пікір білдірді. Бұл туралы Prosports.kz сайты хабарлады.

Асу Алмабаев АҚШ-та өткен UFC турнирінде ямайкалық Оде Осборнды екінші раундта мерзімінен бұрын жеңген болатын. Жекпе-жек жеңіл салмақ дәрежесінде болды.

"Тамаша жұмыс, Асу! Құттықтаймын, Қазақстан!", - деп жазды Мұхаммед Мокаев әлеуметтік желіде.

Асу Алмабаев аралас жекпе-жекте 20 жекпе-жек өткізіп, 18-ші жеңісіне қол жеткізді.

Айта кетейік, кеше Асу Алмабаев UFC-дегі дебютін мерзімінен бұрын жеңіспен аяқтағанын хабарлаған едік. Осылайша қазақстандық боксшы әлемдік промоушен UFC on ESPN 50 турнирін сенімді жеңіспен бастады

Мәтіннен қате тапсаңыз, бізге жазыңыз