Жанкүйерлер Шавкат Рахмоновты әуежайдан қарсы алды (видео, фото)

UFC 296 турнирінде жеңіске жеткен Шавкат Рахмонов елге оралды. Қазақстандық файтер ММА спортындағы он сегізінші кәсіпқой жекпе-жегін, ал UFC-дегі алтыншы кездесуінде жеңіске жетті. Бұл туралы KAZ.NUR.KZ тілшісі хабарлайды.

17 желтоқсан Лас-Вегаста өткен UFC 296 турнирінің басты жекпе-жегінде жартылай орта салмақтағы UFC чемпионы Леон Эдвардс пен Колби Ковингтон жұдырықтасты. Дәл осы салмақта өнер көрсететін Шавкат Рахмонов (18-0) америкалық спортшы Стивен Томпсонмен (17-7-1) кездесті. Қазақстандық файтер қарсыласын екінші раундата мерзімінен бұрын жеңген еді.

Ал бүгін, 20 желтоқсанда Шавкат Рахмонов пен оның бапкерлік штабы Қазақстанға келді. Оларды Алматы әуежайында журналистер, туған-туыстары, достары мен жанкүйерлері қарсы алды.

Айта кетейік, Лас-Вегаста өткен UFC 296 турнирінде жартылай орта салмақ дәрежесінде америкалық спортшы Стивен Томпсонды жеңген Шавкат Рахмонов рейтингте 3-орынға көтерілді.

Мәтіннен қате тапсаңыз, бізге жазыңыз