Белал Мухаммад Рахмоновтың титулдық жекпе-жегі туралы: Шавкат күте тұрсын

Аралас жекпе-жек шебері Белал Мухаммад қазақстандық файтер Шавкат Рахмоновпен болуы мүмкін жекпе-жегі туралы пікір білдірді. Бұл туралы KAZ.NUR.KZ Fight Space MMA Youtube-арнасына сілтеме жасап хабарлайды.

Америкалық файтер Шавкаттың мықты қырларын атап, чемпиондық кездесуге шығуына әлі ерте екенін түртіп өтті. Өткен жекпе-жек Шавкатты басқа қырларынан танытқанын да айтты.

"Ол маған өзінің IQ-ы жоғары екенін көрсетті. Ол қарсыласымен жай төбелесе салмай, оны әбден зерттеп, осал тұстарына қарай әрекет етеді. Жекпе-жекке жоспармен шығады. Стратегияның не екенін біледі. "Вандербой" бірінші раундта өзін жақсы көрсетті, бірнеше тейкдаундардан қорғана білді, бірақ Шавкат өзінікінде тұрды. Бұл жекпе-жекте жоспар құрудың маңызды екенін аңғартады. Десе де, мен "Вандербойды" 2 жыл бұрын жеңгенмін. Сондықтан Шавкат менің алдыма шықпауы керек деп ойлаймын. Мен бәріне "Ол күте тұрсын. Маған Леонмен кездесу керек. Сосын Шавкат жеңгенімізбен жұдырықтассын" деп айтамын", – деді Мухаммад.

Айта кетейік, UFC орта салмақ дивизионы рейтингінде Белал Мухаммад Камару Усманнан кейін екінші орында. Ал Шавкат Стивен Томпсонмен болған жекпе-жектен соң 3-орынға көтерілген еді. Бұл көшті дивизион чемпионы Леон Эдвардс бастап тұр. Ол Колби Ковингтонмен кездесуден соң чемпиондықты дәлелдеп, Шавкат Рахмоновпен жұдырықтасуға дайын екенін айтқан болатын.