Қазақстандық файтер Қуат Хамитов ресейлік Александр Грозинды жекпе-жекке шақырды. Бұл туралы KAZ.NUR.KZ тілшісі Хамитовтың Instagram-дағы ресми парақшасына сілтеме жасап хабарлайды.
Грозин ММА-дың "Наше Дело" поп-лигасындағы соңғы жекпе-жегінде "Қазақ терминаторы" деген лақап атпен жұдырықтасатын Мұратбек Қасымбайды жеңген еді. Сондай-ақ ол бұған дейін ресейлік спортшы Магомед Кабардиевті де жеңген болатын.
"Наше дело", маған Грозинның әрдайым біздің файтерлерді жеңіп кете беретіні ұнамайды. Сондықтан оған диваннан тұрып, менімен күш сынасу керек. Бұл жағдайды түзету керек. Александр Грозин, соңғы сөз өзіңде. Шақыртуды қабылда, көрейік, кім мықты екенін", - дейді Қуат Хамитов Instagram stories-те жариялаған видеода.
Айта кетейік, Александр Грозин – Грозин Ашық ФК лигасының чемпионы, "Наше дело" лигасының Гран-при чемпионы, сонымен қатар AMC Fight Nights титулына үміткер болған.
Мақаланың түпнұсқасы: https://kaz.nur.kz/sport/mma/2052873-koreiik-kim-myqty-ekenin-quat-xamitov-reseilik-faiter-grozindy-zekpe-zekke-saqyrdy/
