Қазақстанның екі промоушені әлемдік рейтингте топ-30 қатарына енді
Опубликовано:
Fightmatrix.com порталы әлемнің ең үздік 30 промоушеннің тізімін жариялады. Олардың арасында қазақстандық Octagon және Naiza промоушендері да бар, деп хабарлайды KAZ.NUR.KZ тілшісі Fightmatrix.com сайтына сілтеме жасап.
Fightmatrix нұсқасы бойынша Octagon промоушені әлемдік рейтингте 18-орында тұр. Промоушен 2021 жылы осы тізімде 298-орында тұрған еді.
Сондай-ақ Octagon файтерлерінің орташа жасы (27 жас) бойынша әлемдегі үздік үштіктің қатарына кіреді.
Бүгінде ұйымың YouTube-тағы жекпе-жектердің жалпы қаралымы 150 миллионнан асқан. Қазіргі уақытта OCTAGON турнирлерінің көрсетілімі әлемнің 100-ден астам елін қамтиды.
Ал Naiza промоушені әлемдік рейтингте 27-орында.
Нұрбек Қарабала басшылық ететін промоушен 2013 жылы құрылды. NAIZA Қазақстан, ТМД және әлемнің кәсіби файтерлері қатысатын халықаралық титулдық турнирлерді де өткізеді.
Айта кетейік, биыл әлемдік рейтингте UFC, Bellator және ACA промоушендері көш бастап тұр.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/mma/2053248-qazaqstannyn-eki-promouseni-alemdik-reitingte-top-30-qataryna-endi/