"Қашып жүрмесең болды": Жалғас Жұмағұлов UFC-дегі бұрынғы қарсыласымен тағы жұдырықтаспақ

Қазақстандық Naiza лигасы Жалғас Жұмағұлов пен бразилиялық файтер Раулиан Пайваның арасындағы жекпе-жектің анонсын жариялады. Файтерлер ауызша келісім берді. Бұл туралы KAZ.NUR.KZ Naiza промоушенінің Instagram-дағы ресми парақшасына сілтеме жасап хабарлайды.

Instagram-дағы посттың астына бразилиялық спортшы осылай жауап берді:

"Кеттік, бұл жекпе-жек болады, мен сенімен 61 келіде реванш жасаймын", – деді Раулиан.

Ал Жұмағұлов өз кезегінде былай жауап берді:

"Сен үшін ғана 61 келіге көтерілемін. Сен үшін ғана. Маған салмақ жинау керек, бастысы сен салмақ жинап, жекпе-жектен қашып жүрмесең болды".

Жалғас UFC промоушенінде 57 келіге дейінгі салмақ дәрежесінде Пайваға қарсы дебют жасаған еді. Төрешілердің шешімімен Раулин жеңіске жеткен еді.

Кейін Жұмағұловпен бір клубта жаттығатын Сергей Морозов Раулиан Пайваны төрешілердің шешімімен жеңді.

Мәтіннен қате тапсаңыз, бізге жазыңыз