Қазақстандық аралас жекпе-жек шебері АСА промоушенімен келісімшарт жасасты

Орта жеңіл салмақ дәрежесінде жұдырықтасатын Бағдос Олжабай ресейлік АСА промоушенімен келісімшарт жасасты. Бұл туралы KAZ.NUR.KZ ACA промоушенінің Instagram-дағы ресми парақшасына сілтеме жасап хабарлайды.

27 жастағы файтер соңғы кездесуін 2023 жылдың қыркүйегінде Alash Pride 89 турнирінде бразилиялық Дилено Лопеске қарсы өткізген. Бағдос Олжабай төрешілердің біржақты шешімімен жеңіске жетті. Оның есебінде 15 жеңіс, 4 жеңіліс бар.

ACA промоушенінде бірқатар қазақстандық спортшылар өнер көрсетеді. Олар Михаил Дорошенко, Дәуітбек Қаршыға, Евгений Егембердиев, Арман Оспанов және тағы басқалары.

Айта кетейік, АСА – 2009 жылы құрылған ресейлік промоутерлік компания. Жекпе-жектері үш раундтан тұрса, чемпиондық атаққа талас бес раундқа дейін созылады.

Мәтіннен қате тапсаңыз, бізге жазыңыз