Қазақстандық аралас жекпе-жек шебері Азат Мақсұм UFC-дің ақшалай бонусын алады. Бұл туралы KAZ.NUR.KZ UFC промоушенінің ресми сайтына сілтеме жасап хабарлайды.
Азат Мақсұм мен АҚШ өкілі Чарльз Джонсонның UFC Vegas 85 турниріндегі кездесуі кардтың үздік жекпе-жегі деп танылды. Сондықтан екі файтерге де 50 000 доллар көлемінде ақшалай бонус беріледі. Дәл осындай бонусты үздік өнер көрсеткені үшін Молли Маккэнн мен Рэнди Браун да алады.
Еске салайық, Азат Мақсұм кәсіби мансабында алғаш рет жеңіліс тапты.
Ол Чарльз Джонсоннан төрешілердің шешімімен ұтылып қалған еді (29-28, 29-28, 29-28). Бұл – қазақстандық файтердің UFC-дегі екінші жекпе-жегі. Азат 2023 жылы шілде айында UFC-дегі дебютінде АҚШ өкілі Тайсон Нэмді (21-14-1) ұтты.
Енді Азаттың активінде 17 жеңіс, 1 жеңіліс бар. Ал Чарльз Джонсонның статистикасы 14-6 болды.
Мақаланың түпнұсқасы: https://kaz.nur.kz/sport/mma/2059030-azat-maqsum-ufc-din-aqsalai-bonusyn-ielendi/
