"Таяқ жеп, қымыз ішіп жатасыңдар": ресейлік файтер Қуат Хамитовке үндеу жолдады

Ресейлік аралас жекпе-жек шебері Александр Грозин қазақстандық файтерлер Қуат Хамитов пен Ильдар Құдайбергеновке үндеу жасады. Бұл туралы KAZ.NUR.KZ тілшісі хабарлайды.

Бұған дейін Грозин екі қазақстандық жекпе-жекші – Мұратбек Қасымбай мен Магомед Кабардиевті жеңген еді. Кейін Қуат Хамитов пен Ильдар Құдайбергенов отандастары үшін есе қайтаратынын айтқан.

"Мұратбек Қасымбайға қарсы жекпе-жегімнен кейін көп қазақ жауынгерлері мені жазалағысы келіп жүр. Атап айтқанда, Қуат Хамитов және жақында екінші адам пайда болды (Ильдар Құдайбергенов). Жігіттер, сендерді "Наше Делода" қуана қарсы аламын. Алдымен Магомед Кабардиевтен "Орал тұшпарасының" қалай кесе-көлденең тұра алатынын сұраңдар. Келіңдер, таяқ жеп, диванда қымыз ішіп жатасыңдар. Жақын арада кездесеміз", – делінген "Наше дело" лигасының Instagram Stories-де

Бұл үндеуге Қуат Хамитов жауап қайтарды.

"Сәлем, Саня. Жазалау емес, бауырым, оңай жеңу, түсінесің бе? Оңай жеңіп, орныңа қою. Бар болғаны осы", – деді "Найман" Instagram Stories-те.

Еске салайық, осыған дейін Қуат Хамитов Грозинды жекпе-жекке шақырған еді. Кейін ресейлік файтер бұл шақыруға жауап берді.

Мәтіннен қате тапсаңыз, бізге жазыңыз