Бекзат Алмахан UFC-дегі дебюті алдында салмақ қуу процессінен өтіп жатыр

Қазақстандық файтер Бекзат Алмахан UFC-дегі алғашқы жекпе-жегі алдында салмақ қуу процессінен өтіп жатыр. Бұл туралы KAZ.NUR.KZ тілшісі хабарлайды.

Қаңтар айында UFС-мен келісімшарт жасасқан Бекзат Алмахан 3 наурызда Лас-Вегаста (АҚШ) UFC Fight Night 238 турнирінде алғашқы жекпе-жегін өткізеді. Оның қарсыласы – ресейлік аралас жекпе-жек шебері Умар Нурмагомедов. Қазір Бекзат Алмахан салмақ қуу процессінен өтіп жатыр. Бұл процессті спортшы Ержан Естанов Instagram парақшасындағы Stories-ке жариялады.

Еске салайық, осыған дейін Бекзат Алмаханның менеджері Нұраддин Садықов мәлімдеме жасаған еді.

"Біз таяқ жеуге келген жоқпыз. Иә, бүкіл жағдай бізге қарсы болса да, не үшін келгенімізді анық білеміз. Сол себепті бізді қолдап, шын көңілден осы күндері дұға қылып қойсаңыздар! Қалған қолдан келгенін Бекзат өзі-ақ жасайды!", – деп жазды Садықов.

Сондай-ақ белгілі қазақстандық файтер Бекзат Алмаханның UFC-дегі дебюті жайлы пікірін айтты.