"Жалғас пен Азатты жеңген америкалық файтер": Асу Алмабаевтың UFC-дегі келесі қарсыласы кім

Қазақстандық аралас жекпе-жек шебері Асу Алмабаевтың бапкері Эдуард Базров шәкіртінің UFC-дегі келесі жекпе-жегі туралы айтты. Бұл туралы KAZ.NUR.KZ Вестник MMA Youtube арнасына сілтеме жасап хабарлайды.

"Мен Азат Мақсұмды жеңген файтермен (Чарльз Джонсон) жекпе-жекке шыққанымызды қалар едім. Бұл қазақстандық жанкүйерлер және біз үшін қызық болмақ. Мен оны осы кездесуде көргім келеді. Бұл жекпе-жек қазақстандықтарға ғана емес, аралас жекпе-жектің барлық жанкүйеріне қызық болады деп ойлаймын", – деді Базров.

Айта кетейік, Асу Алмабаев 2023 жылдың сәуірінде UFC промоушенімен келісімшартқа отырды. Осы уақытқа дейін ол UFC-де екі жекпе-жек өткізіп, екеуін де жеңіспен аяқтады. Өткен жылы тамыз айында америкалық файтер Оди Осборнды (12-6) екінші раундта сабмишн әдісімен ұтты. Ал жақында UFC 299 турнирі аясында АҚШ өкілі Си Джей Вергарадан төрешілердің шешімімен басым түсті (30:27, 30:27, 30:27).

Мәтіннен қате тапсаңыз, бізге жазыңыз