Ресми: Асу Алмабаевтың UFC-дегі келесі қарсыласы анықталды

Қазақстандық аралас жекпе-жек шебері Асу Алмабаевтың UFC-дегі келесі қарсыласы анықталды. Бұл туралы KAZ.NUR.KZ тілшісі хабарлайды.

Асу Алмабаев 15 маусымда UFC Fight Night турнирінде америкалық файтер Хосе Джонсонмен жекпе-жекке шығады.

"Кезекті қарсылас. Топ-10 мен топ-15 жауынгерлері кездесуден бас тартты. Енді осы жігітпен сегіз бұрышта айқасамыз. Бастысы – жекпе-жек бар, қолдайтын елім бар. Дайындық өз деңгейінде өтіп жатыр, Аллаға шүкір", - деп жазды Асу Instagram-дағы парақшасында.

Айта кетейік, Алмабаев соңғы рет биыл 9 наурызда жекпе-жекке шыққан еді. Ол Майамиде (АҚШ, Флорида штаты) өткен UFC 299 турнирінде АҚШ өкілі Си Джей Вергараны төрешілердің шешімімен жеңген болатын.

Мәтіннен қате тапсаңыз, бізге жазыңыз