"Жеңілсем де, еліме көп ақша алып келдім": Қуат Хамитов сынағандарға жауап қатты

Аралас жекпе-жек шебері Қуат Хамитов жеңілісі үшін сын айтып жатқандарға жауап берді. Бұл туралы KAZ.NUR.KZ prosports.kz сайтына сілтеме жасап хабарлайды.

"Мен жеңілсем де, өзге елден үйіме көп ақша алып келдім. Енді көпбалалы аналарға, жетімдерге, науқастар мен су тасқынынан зардап шеккендерге көмектесе аламын. Мен жай ғана алаңда арлы-берлі жүгіру үшін халықтың соңғы дүниесін алмаймын, керісінше беремін! Сондықтан хейтерлердің пікіріне түкіргенім бар", - деді Қуат Хамитов.

Еске салайық, Қуат Хамитов 11 мамырда RCC 19 турнирінде ресейлік файтер Александр Шлеменкоға қарсы жекпе-жек өткізген еді. Кездесу орта салмақ дәрежесінде (83,9 кг) өтті және үш раундқа созылды. Бұл бәсекеде Шлеменко төрешілердің шешімімен жеңіске жетті (30-26, 30-26, 30-27). Кейін Хамитов 84 кг салмақта жұдырықтасу қиын болғанын айтты.

Мәтіннен қате тапсаңыз, бізге жазыңыз