"Біреу жекпе-жекке келісті": Шавкат Рахмоновтың командасы жақсы жаңалықты хабарлады

Қазақстандық файтер Шавкат Рахмонов 7 желтоқсанда өтетін UFC 310 турнирінде жекпе-жекке шығатын болды. Бұл туралы KAZ.NUR.KZ хабарлайды.

Dar Team командасының Instagram-дағы парақшасында Шавкат Рахмоновтың келесі жекпе-жегіне қатысты ақпарат жарияланды.

"Сонымен бізде жақсы жаңалық бар, жақсы біреу жекпе-жекке келісті. UFC 310 күшінде", - делінген жазбада.

Айта кетейік, Шавкат Рахмонов UFC 310 турнирінде жартылай орта салмақтағы UFC чемпионы Белал Мухаммадпен титулдық жекпе-жекке шығуы керек еді. Бірақ Белал Мухаммад инфекция жұқтырып алып, кездесу өтпейтін болды.

Рахмонов соңғы жекпе-жегін 2023 жылы желтоқсанда өткізіп, америкалық спортшы Стивен Томпсонды екінші раундта ұтқан болатын. Қазақстандық файтер MMA-да 18 рет, UFC-де 6 рет жеңіске жеткен.

Еске салайық, UFC-дің бұрынғы уақытша чемпионы Колби Ковингтон Шавкат Рахмоновқа тағы да сын айтып, оны жекпе-жекке шақырған еді.

Мәтіннен қате тапсаңыз, бізге жазыңыз