Ресми: Шавкат Рахмоновтың келесі қарсыласы анықталды

UFC промоушені қазақстандық файтер Шавкат Рахмоновтың (18-0) кезекті жекпе-жегін ресми түрде жариялады. Бұл туралы KAZ.NUR.KZ UFC-ге сілтеме жасап хабарлайды.

Шавкат Рахмонов 8 желтоқсанда ирландиялық Иэн Гэрримен (15-0) жекпе-жекке шығады. Бұл кездесу Лас-Вегастағы (АҚШ) UFC 310 турнирі аясында өтеді және әлі жеңіліп көрмеген қос файтер бес раунд күш сынасады.

Айта кетейік, Шавкат Рахмонов бастапқыда UFC 310 турнирінде жартылай орта салмақтағы UFC чемпионы Белал Мухаммадпен титулдық жекпе-жекке шығуы керек еді. Бірақ Белал Мухаммад инфекция жұқтырып алып, кездесу өтпейтін болды.

Қазақстандық файтер соңғы жекпе-жегін 2023 жылы желтоқсанда өткізіп, америкалық спортшы Стивен Томпсонды екінші раундта ұтқан болатын. Шавкат MMA-да 18 рет, UFC-де 6 рет жеңіске жеткен.

Осыған дейін Иэн Гэрри Instagram желісіндегі ресми парақшасында Шавкат Рахмоновты келемеждеп, жазба жариялаған еді.

Мәтіннен қате тапсаңыз, бізге жазыңыз