Қазақстандық файтер Шавкат Рахмоновтың UFC-дегі кезекті қарсыласы ирландиялық Иэн Гэрри алдағы жекпе-жекке қалай дайындалып жатқанын көрсетті. Бұл туралы KAZ.NUR.KZ хабарлайды.
Иэн Гэрри Instagram-дағы парақшасына жаттығу барысынан видео жариялады. Ол таиландтық бапкер Наттават Йохфроммамен спарринг өткізген.
Шавкат Рахмонов пен Иэн Гэрри 8 желтоқсанда таңертең Лас-Вегастағы (АҚШ) UFC 310 турнирінде күш сынасады. Олардың жекпе-жегі 5 раундқа жоспарланған. Екеуі де бұған дейін мүлде жеңіліп көрмеген. Гэрридің рекорды – 15-0 болса, Рахмоновтікі – 18-0.
Айта кетейік, Шавкат Рахмонов бастапқыда UFC 310 турнирінде жартылай орта салмақтағы UFC чемпионы Белал Мухаммадпен титулдық жекпе-жекке шығуы керек еді. Бірақ америкалық файтер инфекция жұқтырып алып, кездесу өтпейтін болды.
Белал Мухаммад Шавкат Рахмонов – Иэн Гэрри жекпе-жегінде кім жеңеді деп ойлайтынын айтқан еді. Сондай-ақ ММА сарапшысы Кенни Окойе де бұл кездесуге болжам жасады.
Мақаланың түпнұсқасы: https://kaz.nur.kz/sport/mma/2193054-ien-gerri-shavkat-rahmonovpen-zhekpe-zhekke-qalai-daiyndalyp-zhatqanyn-korsetti-video/
