Ирландиялық файтер Иэн Мачадо Гэрри UFC 310 турнирінде қазақ жауынгері Шавкат Рахмоновқа қарсы жекпе-жегі туралы пікір білдірді. Бұл туралы KAZ.NUR.KZ Instagram желісіндегі "Спорт Шредингера" парақшасына сілтеме жасап хабарлайды.
"Шавкат өте қиын жекпе-жек өткізгелі жатыр. Әрине, бұл кездесуде ол барынша агрессивті болары сөзсіз. Меніңше, 1-2-раундтарда ол менің жұмбақ қимылдарымның шешуін таба алмай жүретінін көресіздер. Ал 3-4-раундтарда мен басымдығымды таныта бастаймын. Шавкат 4 раундқа қарай шаршап, ештеңе істей алмайды. Мен оны жеңетініме сенімдімін", - деді Иэн Гэрри.
Айта кетейік, Шавкат Рахмонов пен Иэн Гэрри 8 желтоқсанда таңертең Лас-Вегастағы (АҚШ) UFC 310 турнирінде күш сынасады. Олардың жекпе-жегі 5 раундқа жоспарланған.
Сондай-ақ UFC промоушені YouTube желісіндегі ресми арнасында қазақстандық файтер Шавкат Рахмонов (18-0) пен ирландиялық Иэн Гэрри (15-0) арасындағы жекпе-жекке арналған арнайы фильмін жариялады.
Мақаланың түпнұсқасы: https://kaz.nur.kz/sport/mma/2195399-eshtenge-istei-almaidy-ien-gerri-shavkat-rahmonovtyng-aldagy-zhekpe-zhekte-darmensizdik-tanytatynyn-aitty/
