Қазақстандық жауынгер Шавкат Рахмонов UFC-дің аса ауыр салмақтағы бұрынғы чемпионы Даниэль Кормьенің YouTube желісіндегі ресми арнасына берген сұқбатында Иэн Гэрриге қарсы жекпе-жегі туралы айтты. Бұл туралы KAZ.NUR.KZ хабарлайды.
Бүгін, 6 желтоқсанда UFC 310 турнирі алдындағы баспасөз мәслихатында Шавкат Рахмонов пен Иэн Гэрри көз түйістіру рәсімін өткізді.
Шавкат Рамхонов сұқбат барысында жекпе-жекке тыңғылықты түрде дайындалып жатқанын және қарсыласы Иэн Мачадо Гэрриді айқын басымдықпен жеңгісі келетінін айтты.
"Жай ғана шығып, сазайын тарттырамын. Бұл сөзім үшін кешірім сұраймын. Гэрри екеуіміз дос емеспіз. Ол – менің қарсыласым. Иә, әрине, мен оны құрметтеймін. Біз жақсы қарым-қатынастамыз, амандасамыз. Өзің білесің, бұл спорт", - деді Шавкат Рахмонов.
Айта кетейік, Рахмонов пен Гэрри арасындағы жекпе-жек 8 желтоқсанда таңертең UFC 310 турнирінде болады.
Мақаланың түпнұсқасы: https://kaz.nur.kz/sport/mma/2197200-sazaiyn-tarttyramyn-shavkat-rahmonov-qarsylasyn-zhengetinine-senimdi-ekenin-aitty/
