Атырау күрес федерациясының президенті UFC файтерімен төбелесіп қалды (видео)

Опубликовано:8 желтоқсан 2024, 11:22

UFC 310 турниріндегі қақтығыс. Скриншот: instagram.com/sportilinet

Атырау облыстық күрес федерациясының президенті Арман Тугаев UFC файтері Деннис Бузукьямен (UFC-де 1-3) төбелесіп қалды. Бұл туралы KAZ.NUR.KZ "Спорт Шредингер" сайтының Instagram желісіндегі ресми парақшасына сілтеме жасап хабарлайды.

Арман Тугаев пен Деннис Бузукья арасындағы қақтығыс T-Mobile аренасында UFC 310 турнирі аясында Шавкат Рахмонов пен Иэн Гэрридің жекпе-жегінің алдында болған.

Бүгін Бузукья файтер Алджамейн Стерлингтің секунданты болды. Сондай-ақ бұл қақтығыстың ішінде UFC чемпионы Мераб Двалишвили де болған, бірақ оны оқиға орнында қауіпсіздік қызметкерлері тоқтатты.

Еске сала кетейік, АҚШ-тың Лас-Вегас қаласында өткен UFC 310 турнирінде қазақстандық жауынгер Шавкат Рахмонов ирландиялық файтер Иэн Мачадо Гэрримен кездесті. Бес раундқа жоспарланған бұл жекпе-жекте Шавкат Рахмонов төрешілердің бірыңғай шешімімен жеңіске жетті.