"Шавкат мықты екен": UFC-дің экс-чемпионы Камару Усман Рахмоновтың өнеріне баға берді

Жартылай орта салмақтағы бұрынғы UFC чемпионы Камару Усман қазақстандық файтер Шавкат Рахмонов пен ирландиялық Иэн Гэрри арасындағы жекпе-жек туралы айтты. Бұл туралы KAZ.NUR.KZ Youtube желісіндегі Pound 4 Pound with Kamaru & Henry арнасына сілтеме жасап хабарлайды.

Шавкат Рахмонов пен Иэн Гэрри 8 желтоқсанда АҚШ-тың Лас-Вегас қаласында өткен UFC 310 турнирінде күш сынасқан еді. Бұл жекпе-жекте қазақстандық файтер қарсыласынан төрешілердің бірыңғай шешімімен басым түсті.

"Бұл жекпе-жек мен күткендей болды. Иэн арақашықтық сақтап жұдырықтасу керек. Оның өте керемет және қауіпті екенін көрдіңіздер. Егер жекпе-жек кезінде қарсыласын жақындатпаса, басымдық Иэнде болады. Шавкатқа келсек, ол ашық айқасқа түседі.

Иэн бірнеше тейкдаун өткізіп алғанда, жекпе-жекті уысынан шығарып алды. Шавкат аяққа нық тұрып жұдырықтасу кезінде және комбинация жасау жағынан өзін көрсете алмады. Мен осындай жекпе-жекті күткенмін және екеуінің де қателіктері бар екенін байқадым.

Мен бұл жекпе-жек онша әсерлі болмайтынын білдім. Десе де Шавкат нағыз мықты екенін көрсетті. Ол жекпе-жекке шығып, жеңіске жету үшін қолынан келгеннің бәрін жасауға дайын. Иэн де сондай, бірақ бұл күні Шавкат одан басымдырақ болды", - деді Камару Усман.

Еске салайық, Шавкат Рахмонов UFC-дің жаңа рейтингінде дивизионның бұрынғы чемпионы Камару Усманды басып озып, екінші орынға шыққаныз жазғанбыз.