UFC-дің жеңіл салмақтағы бұрынғы чемпионы Хабиб Нурмагомедов балаларын жекпе-жек спортымен айналыстырғысы келмейтінін айтты. Бұл туралы KAZ.NUR.KZ YouTube желісіндегі Mighty арнасына сілтеме жасап хабарлайды.
"Балаларым жаттығады, бірақ жарыстарға қатыспайды. Олар мықты болуы керек, сол үшін гимнастикамен айналысады. Ешқандай жекпе-жек түрлерімен айналыспайды. Мен өзім төбелесуді білемін, қажет болса, оларды қорғаймын. Оларға төбелесудің керегі жоқ", - деді Хабиб Нурмагомедов.
Айта кетейік, Хабиб Нурмагомедов қазір 36 жаста. Ол аралас жекпе-жек спортына 2008 жылы кәсіби деңгейде қадам басып, 2020 жылы спорттық мансабын аяқтаған болатын. Оның есебінде 29 жеңіс бар және кәсіби мансабында бірде бір рет жеңілмеген.
Сондай-ақ Хабиб Нурмагомедов промоушеннің жартылай орта салмақтағы чемпионы Белал Мухаммадтың келесі жекпе-жегі туралы пікірін білдірді.
Мақаланың түпнұсқасы: https://kaz.nur.kz/sport/mma/2201289-tobelesuding-keregi-zhoq-habib-nurmagomedov-balalarynyng-qandai-sportpen-shugyldanatynyn-aitty/
