Қазақстандық аралас жекпе-жек шебері Асу Алмабаевтың UFC-дегі келесі қарсыласы анықталды. Бұл туралы KAZ.NUR.KZ cпортшының командасы DarTeam-нің Instagram-дағы парақшасына сілтеме жасап хабарлайды.
Асу Алмабаев (21-2) наурызда өтетін UFC турнирінде чемпиондыққа бұрынғы үміткер аустралиялық Стив Эрцегпен (12-3) жекпе-жекке шығады. Аса жеңіл салмақ дәрежесіндегі рейтингте Алмабаев сегізінші, ал Эрцег тоғызыншы орында тұр.
Бұған дейін БАҚ-та Асу Алмабаев 2025 жылдың 1 наурызында Лас-Вегаста өтетін UFC Vegas 103 турнирінде жекпе-жек өткізетіні туралы ақпарат тараған еді.
Айта кетейік, Асу Алмабаев 2023 жылы UFC-дегі дебютінде Одди Осборнды тұншықтыру әдісімен жеңген болатын. Ал 2024 жылы ол Си Джей Вергараны, Хосе Джонсонды және Матеус Николауды төрешілердің бірыңғай шешімімен жеңді.
Мақаланың түпнұсқасы: https://kaz.nur.kz/sport/mma/2207556-asu-almabaevtyng-ufc-degi-kelesi-qarsylasy-belgili-boldy/
