"Құттықтап қойсаңыздар болады": Шавкат Рахмоновтың қарындасы желіде қуанышты жаңалығын бөлісті

Қазақстандық файтер Шавкат Рахмоновтың қарындасы Сора Рахмонова алғашқы әскери шенін алғанын хабарлады. Ол жақсы жаңалығын Instagram-дағы парақшасында жазды, деп хабарлайды KAZ.NUR.KZ.

Рахмонова Сора Бақтыбайқызы - қоян-қолтық ұрыстан қазақ қыздары арасынан шыққан тұңғыш үш дүркін әлем чемпионы, кәсіпқой аралас жекпе-жек жауынгері, кикбоксинг, кайбокс, ММА, панкратион спорт түрлерінен ҚР спорт шебері, бразилиялық джиу-джитсудан көк белбеу иегері. Ол былтыр тамыз айында ТЖМ қатарына қызметке тағайындалған еді.

Бұл қызметіндегі алғашқы шенін алғанын ол желідегі парақшасында жазды.

"Құттықтап қойсаңыздар болады! Әскери қызметте бірінші офицерлік шен - лейтенат шені берілді! Осы қуанышты жаңалықты өздеріңізге бөліскенді жөн көрдім.

Елдің тыныштығы үшін аянбай еңбек ететін құтқарушылар қатарында болғанымды мақтан тұтамын! Қазақстан Республикасына қызмет етемін. Еліміз аман болсын", - деп жазды ол.

Мәтіннен қате тапсаңыз, бізге жазыңыз