"Өкінетін жерлер бар": әлем чемпионы Біржан Жақыпов орындалмай қалған арманын айтып, ағынан жарылды

Бокстан 2013 жылғы әлем чемпионы, Бейжің, Лондон және Рио Олимпиадаларына қатысушы Біржан Жақыпов өзінің спорттық мансабына көз жүгіртіп, қандай жайтқа өкінетінін айтты. Бұл туралы Qazaq Ring жобасында белгілі болды, деп жазады KAZ.NUR.KZ.

"Әрине, барлығы үшін шүкір. Бұған жетпеген боксшылар да бар. Бәрі еңбектің, талаптың арқасы. Алға қойған мақсатқа жету үшін еңбек еттік. "Бұйырған кетпес, қуған жетпес" дейді ғой. Бірақ Олимпиаданың жүлдесіне бір қадам жетпей тоқтағаныңа, одан бөлек, сенен ұтылып жүрген жігіттер Олимпиадада күміс, қола алғанын көргенде, кішкене өкінесің. Адам болған соң өкінесің. Барлығына шүкір. Ешкім басымызға медальді іле салған жоқ. Еңбекпен келді", - деді Жақыпов.

Біржан Жақыпов ұзақ жылдар бойы 49 келінің көшбасшысы атанып, 32 жасында мансабын аяқтаған.

Сондай-ақ эфир барысында Жақыпов өзінің жеке бапкері Мырзағали Айтжановпен ара-қатынасы туралы да сөз қозғаған болатын.

Мәтіннен қате тапсаңыз, бізге жазыңыз