Канвондо-2024: IV қысқы жасөспірімдер Олимпиадасының ашылу салтанаты өтті

Жарияланған күні:19 қаңтар 2024, 19:34

Олимпиадаға қатысатын қазақстандық спортшылар. Фото: t.me/Turizm_jane_sport_ministrligi

Бүгін, 19 қаңтарда Оңтүстік Кореяның Канвондо қаласында IV қысқы жасөспірімдер Олимпиадасының ашылу салтанаты өтті. Бұл туралы KAZ.NUR.KZ тілшісі хабарлайды.

Оңтүстік Кореяның Канвондо қаласында IV қысқы жасөспірімдер Олимпиадасы ресми түрде басталды. Ашылу салтанаты сыйымдылығы 8 мың адамға құрылған "Купол Ёнпон" спорт кешенінде өтті. Айта кетейік, бұған дейін осы спорт кешенінде 1999 жылы IV қысқы Азия ойындарының ашылу және жабылу рәсімдерін өткізген еді.

Олимпиада алауын жағу сәті. Фото: https://t.me/Turizm_jane_sport_ministrligi

Олимпиадаға қатысушыларды Оңтүстік Корея президенті Юн Сок Ёль мен ХОК басшысы Томас Бах құттықтап, сәттілік тіледі. Шара барысында еліміздің көк туын конькимен жүгіру спортының өкілі Кристина Шумекова мен шорт-трекші Ерасыл Шыңғысхан алып шықты.

Ерасыл Шыңғысхан мен Диана Шумекова. Фото: https://t.me/Turizm_jane_sport_ministrligi

Олимпиадада елімізден 41 атлет 5 спорт түрінен 9 дисциплинада бақ сынайды. Дүбірлі додада әлемнің 78 мемлекетінен 1802 спортшы жүлдеге таласады. Енді қазақстандық спортшылар 20 қаңтар күні биатлон, шаңғымен тұғырдан секіру, шорт-трек, 3×3 хоккейден жарысты бастайды.

Мәтіннен қате тапсаңыз, бізге жазыңыз