Әбиба Әбужақынова Олимпиаданың қола жүлдесіне таласады
Опубликовано:
Қазақстандық дзюдошы Әбиба Әбужақынова Франция астанасы Париждегі жазғы Олимпиада ойындарының қола жүлдесіне таласады. Бұл туралы KAZ.NUR.KZ тілшісі хабарлайды.
Әбиба Әбужақынова жұбаныш белдесуінде парагвайлық Габриела Нарваэспен кездесті. 48 кг салмақ дәрежесінде өткен белдесуде қазақстандық дзюдошы жеңіске жетті.
Еске салайық, Әбиба алғашқы айналымда Израиль спортшысы Шира Ришонимен күш сынасып, 1:0 есебімен басым түскен еді. Кейін ол 1/8 финалда Тайпей өкілі Лин Чен-Хаоны 19 секундта "иппон" әдісімен жеңды. Алайда ширек финалда испаниялық Лаура Мартинеске есе жіберіп алған болатын.
Әбиба Әбужақынова Олимпиада ойындырына алғаш рет қатысып жатыр. Ол – әлем чемпионатының екі дүркін қола жүлдегері. Қазақстандық дзюдошы әлемдік рейтингте 5576 ұпаймен үздік үштікті түйіндеп тұр.
Айта кетейік, ерлер арасында сынға түсіп жатқан қазақстандық дзюдошы Елдос Сметов жартылай финалға өтті. Ол ақтық сынға шығу үшін испаниялық дзюдошы Франсиско Гарригоспен белдеседі.
- Қазақстандық мерген финалдық кезеңге шыға алмады
- Тағы бір қазақстандық теннисші Олимпиадаға қатыса алмайтын болды
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/olympiad/2140605-abiba-abuzhaqynova-olimpiadada-zhubanysh-beldesuin-otkizdi/