Париж Олимпиадасы: қазақстандық мерген іріктеу кезеңінен ары аса алмады
Опубликовано:
Cтенд атудан Қазақстан құрамасының мүшесі Мария Дмитриенко Париж Олимпиадасының іріктеу кезеңінде сүрініп, жарыс жолын аяқтады. Бұл туралы KAZ.NUR.KZ тілшісі хабарлайды.
Мария Дмитриенко трап сайысында бақ сынап, 10-орынға жайғасты. Ол 5 раундта 120 ұпай жинады. Ал ақтық сынға үздік нәтиже көрсеткен 6 спортшы жолдама алды.
Айта кетейік, Мария 2016 жылы Рио Олимпиадасына қатысып, 8-орынға табан тіреген еді. Ал биыл сәуірде Катар астанасы Дохада өткен лицензиялық турнирде Париж Олимпиадасына жолдама жеңіп алды. Қазақстандық мерген 2023 жылы Бакудағы (Әзербайжан) әлем чемпионатында аралас жұптық сында Даниил Почиваловпен бірге қола жүлдегер атанған болатын.
Стенд ату спортынан Париж Олимпиадасына тағы екі қазақстандық спортшы Әсем Орынбай мен Эдуард Ещенко қатысады. Олар скит сайысында бақ сынайды.
- Теннистен Қазақстан Олимпиада құрамасы неге тек легионерлерден жасақталған: ҚТФ жауап берді
- "Бірінші раунд бәрін құртты": Махмұд Сабырхан Париж Олимпиадасындағы жеңілісі туралы айтты
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/olympiad/2142465-parizh-olimpiadasy-qazaqstandyq-mergen-irikteu-kezenginen-ary-asa-almady/