Тоқаев Михаил Шайдоров пен оның жаттықтырушыларын мемлекеттік наградамен марапаттады (фото)
Жарияланған күні:
Мемлекет басшысы мәнерлеп сырғанаудан Олимпиада чемпионы Михаил Шайдоров пен оның жаттықтырушыларын мемлекеттік наградамен марапаттады, деп хабарлайды Ақордаға сілтеме жасаған KAZ.NUR.KZ.
Президент XXV Қысқы Олимпиада ойындарындағы жетістіктері үшін Михаил Шайдоровты ІІ дәрежелі "Барыс" орденімен, бапкері, жаттықтырушы-кеңесші Алексей Урмановты ІІ дәрежелі "Достық" орденімен марапаттады.
"Құрмет" ордені Қазақстан Республикасының мәнерлеп сырғанаудан ұлттық құрама командасының бас жаттықтырушысы Әсем Қасановаға, мәнерлеп сырғанаудан жаттықтырушы Станислав Шайдоровқа, Қазақстандық конькимен мәнерлеп сырғанау одағының президенті Бауыржан Ералыға табысталды.
Айта кетелік, бүгін мемлекет басшысы Ақорда резиденциясында қысқа Олимпиадада топ жарып, Қазақстанға 32 жыл күткен алтын медальді сыйлаған спортшы Михаил Шайдоров пен оның жаттықтырушыларын қарсы алды.
- "Халқымыз сіздерді ардақ тұтады": Тоқаев Михаил Шайдоровтың әкесіне алғыс айтты
- Қазақстанға оралған Олимпиада чемпионы Шайдоровқа қымбат сыйлық табысталды
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/olympiad/2347504-toqaev-mihail-shaidorov-pen-onyng-zhattyqtyrushylaryn-memlekettik-nagradamen-marapattady-foto/