Қазақстанның екінші ракеткасы Чилидегі турнирдің финалында жеңіліп қалды

Қазақстанның екінші, әлемнің 144-ракеткасы Тимофей Скатов Чилидің Консепсьон қаласында өткен ATP Challenger Tour турнирінің финалында жеңіліп қалды, деп хабарлайды ҚазАқпарат.

Қазақстандық теннисші ақтық мәреде аталған турнирдің бірінші ракеткасы аргентиналық Федерико Кориамен шеберлік байқасты.

Екі сағатқа жуық созылған матчта Тимофей Скатов 6:4, 6:3 есебімен қарсыласына есе жіберді.

Еске сала кетейік, бұған дейін Елена Рыбакина өз мансабында екінші рет "Үлкен дулыға" турнирінің финалына шығып, қазақстандық теннис тарихында болмаған жағдайды тіркеген еді.

Australian Open - 2023 турнирінің финалында Рыбакина белоруссиялық Арина Соболенкоға үш сет қорытындысы бойынша есе жіберді.

Мәтіннен қате тапсаңыз, бізге жазыңыз