Эквадор құрамасының үздік сұрмергені Түркияға жылы киімдер мен үрмелі матрас салып жіберген

Опубликовано:8 ақпан 2023, 20:57

Эквадор құрамасының үздік сұрмергені Эннер Валенсия Түркиядағы зілзаладан зардап шеккендерге көмек қолын созды. Бұл туралы Матч ТВ арнасына сілтеме жасаған KAZ.NUR.KZ.

"Фенербахче" клубында өнер көрсететін ол супермаркеттердің бірінен үрмелі матрастар мен жылы киімдер алып, Түркияға жөнелткен.

33 жастағы футболшы Катардағы әлем чемпионатында да мергендігімен көзге түскен болатын.

Айта кетелік, дүйсенбі күні Түркияда 7,7 және 7,6 балдық жойқын жер сілкінісі болды. Соңғы мәліметтер бойынша 8,5 мың адам көз жұмған.

Бұған дейін Криштиану Роналду өзінің қолтаңбасы қойылған жейдесін түркиялық футболшылар арқылы аукционға шығарған болатын. Жиналған қаражат зілзаладан зардап шеккендерге жіберіледі.

Свежая публикация по теме:

Қазақстан Түркияға жер сілкінісі кезінде қираған ғимараттарды қалпына келтіруге көмектеседі 28 сәуір 2023, 08:49

Түркиядағы жер сілкінісі

Больше по этой теме

Мәтіннен қате тапсаңыз, бізге жазыңыз