Қазақстандық теннисшілер АҚШ-тағы турнирдің ширек финалына шықты

Қазақстандық теннисшілер Андрей Голубев пен Александр Недовесов жұптық сында АҚШ-тың Хьюстон қаласында өтіп жатқан турнирдің ширек финалына жолдама алды, деп хабарлайды KAZ.NUR.KZ тілшісі.

Отандық теннисшілер турнирдің 1/8 финалында Жонатан Эйссерик (Франция) және Давид Пел (Нидерланды) жұбымен шеберлік байқасты.

Тартысты өткен ойында Андрей Голубев пен Александр Недовесов жеңіске жетіп, АҚШ-тағы беделді жарыстың ширек финалына шықты. Есеп: 2:6, 7:6, 10:4.

Хьюстон қаласында өтіп жатқан турнирдің жеңімпаздары 34 мың долларға жуық қаржы мен 250 рейтингтік ұпай алады.

Еске сала кетейік, бұған дейін қазақстандық теннисші Юлия Путинцеваның АҚШ-тың Чарлстон қаласында өтіп жатқан турнирдің келесі айналымына шыққанын жазған едік.

Мәтіннен қате тапсаңыз, бізге жазыңыз