Астана қаласында тағы бір спорттан Азия чемпионаты өтетін болды

Астанада грэпплинг және грэпплинг гиден Азия чемпионаты өтеді, деп хабарлайды KAZ.NUR.KZ тілшісі Спортты дамыту дирекциясының баспасөз қызметіне сілтеме жасап.

"21-24 маусым аралығында өтетін құрлық біріншілігіне Қазақстан құрамасымен қатар, Иран, Үндістан, Қырғызстан, Филиппин, Тәжікстан және Өзбекстанның жекпе-жек шеберлері қатысады.

Азия чемпионаты жасөспірімдер, юниорлар, жастар, ересектер және 35 жастан асқан ардагерлер арасында өтеді", - делінген хабарламада.

Грэпплинг - күрестің барлық стильдерін біріктіретін спорттық жекпе-жек түрі: дзюдо, самбо, джиу-джитсу, еркін, грек-рим және тағы басқа күрес түрлерін қамтиды.

Айта кетейік, Алматы қаласында регби 15-тен Азия чемпионаты өтіп жатыр.