Рыбакина тағы бір чехиялық теннисшіні ұтып, Ролан Гаррос турнирінің келесі кезеңіне шықты

Қазақстанның бірінші, әлемнің 4-ракеткасы Елена Рыбакина Ролан Гаррос турнирінің үшінші айналымына шықты, деп хабарлайды KAZ.NUR.KZ тілшісі.

Отандық теннисші екінші айналымда дүниежүзілік рейтингте 50 орында тұрған, Чехия өкілі Линда Носковамен шеберлік байқасты.

Тартысты өткен матчта 6:3, 6:3 есебімен Қазақстанның бірінші ракеткасы жеңіске жетті.

Ойын 1 сағат 28 минутқа жалғасты.

Осылайша, Елена Рыбакина Ролан Гаррос турнирінің үшінші айналымына жолдама алды.

Айта кетейік, Қазақстанның бірінші ракеткасы алғашқы айналымда дүниежүзілік рейтингте 146-орында тұрған чехиялық Бренда Фрухвиртовамен кездесіп, жеңіске жеткен еді.