Қазақстанның екінші, әлемнің 60-ракеткасы Юлия Путинцева Венгрияның Будапешт қаласында өтіп жатқан WTA 250 турнирінің келесі айналымына шыға алған жоқ. Бұл туралы KAZ.NUR.KZ тілшісі хабарлайды.
Отандық теннисші турнирдің екінші кезеңінде әлемдік рейтингте 88-орында тұрған АҚШ өкілі Клэр Льюмен шеберлік байқасты.
Екі сағат он екі минутқа созылған матчта 6:3, 7:6 есебімен америкалық спортшы жеңіске жетті.
Енді Клэр Лью жартылай финалға шығу үшін әлемнің 83-ракеткасы, словакиялық Анна-Каролина Шмидловамен ойнайды.
Еске сала кетейік, бұған дейін Юлия Путинцева әлемдік рейтингте 295-орында тұрған Украина өкілі Катерина Володькодан басым түскен еді.
Мақаланың түпнұсқасы: https://kaz.nur.kz/sport/other-sports/2029369-putincevanyn-qatysuymen-budapeste-otken-turnirde-kutpegen-natize-tirkeldi/
