Нұржан Батырбеков Азия ойындарының жеңімпазы атанды

Джиу-джитсудан ел намысын қорғаған Нұржан Батырбеков финалдық сайыста екі дүркін Азия чемпионын жеңіп, Азия ойындарының алтын жүлдегері атанды, деп хабарлайды KAZ.NUR.KZ.

Джиу-джитсудан 69 келіде әлем чемпионатының қола жүлдегері, 21 жастағы Нұржан Батырбеков финалдық сайыста 2 дүркін Азия чемпионы Мохамед Алсувайдиден (БАӘ) соңғы секундта жеңісті тартып алды.

Қазақстандық спортшының жарыс жолындағы қарсыластары:

• 1/8 финал. Осама Хаммам Кандил 9:0
• 1/4 финал. Рамшед Абдуллоев 7:0
• 1/2 финал. Сеонгхуеон Жу 50:2
• Финал. Мохамед Алсувайди 4:2

Айта кетейік, джиу-джитсудан 5 қазан күні ел қоржынына тағы екі медаль салынды.

62 келіде әлем чемпионатының екі мәрте қола жүлдегері Мансұр Хабибулла қола үшін өткен бәсекеде филиппиндік Марк Александер Лимді (Филиппин) 6:2 есебімен ұтты.

Сондай-ақ, 69 келі салмақта белдескен Алдияр Серік сингапурлық қарсыласын ұпай санымен жеңіп, Азия ойындарының қоласын жеңіп алды.