Қазақстанның ерлер арасындағы бірінші ракеткасы Александр Бублик Аустралия ашық чемпионатындағы алғашқы ойынында жеңіліп жатқанына ашуланып, ракеткасын сындырып тастады. Бұл туралы KAZ.NUR.KZ тілшісі хабарлайды.
Қазақстандық теннисші Australian Open турнирінің алғашқы айналымында Үндістан өкілі Сумит Нагалмен кездесті. Бірінші сетте Бублик 6:4 есебімен жеңілді, екінші сетте де қарсыласына есе жіберді. Жеңіліп жатқанына ашуланған теннисші ракеткасын сындырып тастады және оны трибунада отырған жанкүйерлердің біріне бере салды.
Кездесу 6:4, 6:2, 7:6 есебімен аяқталып, үндістандық теннисшінің пайдасына шешілді.
Осыған дейін Александр Бублик Аделаиде (Аустралия) ATP 250 турнирінің финалына шыға алмағанын жазғанбыз. Ол жартылай финалда әлемдік рейтингте 62-орында тұрған Ұлыбритания өкілі Джек Дрейперге қарсы ойнап, 6:7, 4:6 есебімен жеңіліп қалған еді.
Мақаланың түпнұсқасы: https://kaz.nur.kz/sport/other-sports/2055758-qazaqstandyq-tennissi-australian-open-turnirinde-raketkasyn-syndyryp-tastady-foto/
