Қазақстандық теннисші Елена Рыбакина Біріккен Араб Әмірліктерінің астанасы Абу-Дабиде өтетін WTA 500 турниріне қатысады. Бұл туралы KAZ.NUR.KZ Mubadala Abu Dhabi Open турнирінің ресми сайтына сілтеме жасап хабарлайды.
Аталмыш турнир 3-11 ақпан аралығында Абу-Дабидегі Zayed Sports City спорт қалашығында өтеді. Бұл жарыста 28 теннисші жекелей сында, ал 16 теннисші жұптық сында бақ сынайды.
Турнирге қатысатыны расталған спортшылар тізімі:
- Эмма Радукану (Ұлыбритания);
- Елена Рыбакина (Қазақстан);
- Онс Жабер (Тунис);
- Мария Саккари (Грекия);
- Барбора Крейчикова (Чехия);
- Беатрис Хаддад Майя (Бразилия);
- Елена Остапенко (Латвия);
- Людмила Самсонова;
- Дарья Касаткина;
- Вероника Кудерметова;
- Кэролайн Гарсия (Франция);
- Магда Линетт (Польша);
- Сорана Кырстя (Румыния);
- Анастасия Потапова;
- Ангелина Калинина (Украина);
- Жасмин Паолини (Италия);
- Эмма Наварро (АҚШ);
- Леся Цуренко (Украина).
Осыған дейін Елена Рыбакина Аустралия ашық чемпионатына қатысып, турнирдің екінші айналымында жеңіліп қалған еді. Ол әлемнің 57-ракеткасы, Ресей өкілі Анна Блинковаға есе жіберді.
Жыл басында Елена Рыбакина Беларусь теннисшісі Арина Соболенконы ұтып, Брисбен (Аустралия) WTA 500 турнирінің жеңімпазы атанды.
Мақаланың түпнұсқасы: https://kaz.nur.kz/sport/other-sports/2057014-elena-rybakina-tagy-bir-xalyqaralyq-turnirde-baq-synaidy/
