Хабиб Нурмагомедов пен қазақстандық әзілкеш Нұрлан Сабуров жаттығу залында кездесті (фото)
Опубликовано:
Қазақстандық әзілкеш Нұрлан Сабуров пен UFC-дің бұрынғы чемпионы Хабиб Нурмагомедов кездесті. Бұл туралы KAZ.NUR.KZ Хабиб Нурмагомедовтің Instagram желісіндегі ресми парақшасына сілтеме жасап хабарлайды.
Хабиб Нурмагомедов Instagram-дағы парақшасына Нұрлан Сабуровпен бірге түскен суреттерін жариялады.
"Біраз уақыттан кейін алғаш рет үлкен сұхбат бердім. Ұйымдастырушыларға рақмет", — деп жазды Нурмагомедов.
UFC файтері жариялаған суреттерге сүйенсек, Нұрлан Сабуров Хабибтің әкесі Абдулманап Нурмагомедов атындағы жекпе-жек мектебіне барған.
Еске салайық, осыған дейін Нұрлан Сабуров ресейлік әншімен жекпе-жекке шығуы мүмкін екенін жазғанбыз. AMC Fight Nights лигасының президенті Камил Гаджиев қазақстандық стендап-әзілкеш Нұрлан Сабуров пен рэп орындаушы MACAN арасында жекпе-жек ұйымдастыруға дайын екенін мәлімдеген еді.
Ал Хабиб Нурмагомедов жақында "Манчестер Сити" футбол клубының ойыншысы Эрлинг Холандпен Абу-Даби қаласында кездесті.
35 жастағы Хабиб Нурмагомедов — жеңіл салмақта UFC-дің бұрынғы чемпионы. Ол соңғы жекпе-жегін 2020 жылы Абу-Дабидегі UFC 254 турнирінде Джастин Гэтжиге қарсы өткізді. Осы кездесуде Хабиб қарсыласын екінші раундта қылқындыру әдісімен жеңді. Хабиб кәсіби мансабында 29 жекпе-жек өткізіп, бірде-бір рет жеңілмеген.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/other-sports/2057658-xabib-nurmagomedov-pen-qazaqstandyq-azilkes-nurlan-saburov-zattygu-zalynda-kezdesti-foto/