Қарсылас команданың шарфын лақтырып жіберген Роналдудың әрекеті желіде қызу талқыланды (видео)

"Әл-Наср" клубының футболшысы Криштиану Роналду жолдастық матчтан соң, қарсылас команданың атрибутымен сүртініп, жерге лақтыра салды. Бұл туралы KAZ.NUR.KZ Marca порталының ресми сайтына сілтеме жасап хабарлайды.

Бүгін, 9 ақпанда "Әл-Наср" мен "Әл‑Хилял" командалары жолдастық матч өткізді. Кездесу 2:0 есебімен "Әл‑Хилялдың" пайдасына шешілді. "Әл-Наср" футболшысы Криштиану Роналду бұл матчқа негізгі құрамда шығып, 90 минут бойы ойнады. Десе де 54-минутта сары қағаз алды.

Ойын аяқталған соң алаңнан шығып бара жатқан Роналдуға қарсылас команданың жанкүйерлері "Әл‑Хилялдың" символы бар шарф лақтырды. Роналду олардың бірін алып, сүртініп, қайта жанкүйерлерге лақтырып жіберді.

Еске салайық, Криштиану Роналду 5 ақпанда 39 жасқа толды. Ол 2023 жылы 54 гол соғып, үздік сұрмерген атанған еді. Cондай-ақ Роналду кәсіби мансабында 1200-матч өткізіп, әлемдік рекорд орнатты.

Мәтіннен қате тапсаңыз, бізге жазыңыз