"Әзірге техникам әлсіз": Шавкат Рахмонов көкпар тартуды үйренуде (видео)

Қазақстандық аралас жекпе-жек шебері Шавкат Рахмонов көкпар тартуды үйреніп жүр. Бұл туралы KAZ.NUR.KZ Шавкат Рахмоновтың Instagram-дағы ресми парақшасына сілтеме жасап хабарлайды.

Қазақстандық файтер Instagram-дағы Stories-ке көкпар ойынын үйреніп жатқан видеосын жариялады. Видеодан Шавкат Рахмонов ат үстінде отырып жердегі серкенің муляжын көтергенін көруге болады.

"Әзірге техникам әлсіз", – деп жазды қазақстандық аралас жекпе-жек шебері.

Еске салайық, Шавкат Рахмонов сәуірде өтетін UFC 300 турниріне қатысудан бас тартқаны айтылған еді. Кейін қазақстандық файтердің менеджері Саят Абдрахманов бұл ақпаратты жоққа шығарды. Менеджердің айтуынша, жекпе-жек туралы ұсыныс түспеген.

Сондай-ақ Шавкат қандай жағдайда спортты тастап кететінін мәлімдеді.

Қазақстандық файтер соңғы жекпе-жегінде Стивен Томпсонды екінші раундтың соңына қарай тұншықтыру әдісімен жеңген еді. Бұл кездесу өткен жылы 17 желтоқсанда UFC 296 турнирі аясында Лас-Вегас (АҚШ) қаласында болды.

Мәтіннен қате тапсаңыз, бізге жазыңыз