Қазақстандық гимнаст Азия чемпионатында екінші рет алтын медаль жеңіп алды

Қазақстандық гимнаст Эльжана Таниева Ташкентте (Өзбекстан) өтіп жатқан көркем гимнастикадан Азия чемпионатында шеңбер арқылы жаттығу бойынша алтын медаль еншіледі. Бұл туралы KAZ.NUR.KZ Ұлттық Олимпиада комитетінің ресми сайтына сілтеме жасап хабарлайды.

Эльжана Таниева финалда 33.90 ұпай жинап, бірінші орын алды. Екінші орынға Жапония өкілі Рейна Мацусака (33.30 ұпай) жайғасса, тағы бір қазақстандық гимнаст Айбота Ертайқызы үздік үштікті түйіндеді (33.25 ұпай).

Кеше, 3 мамырда Эльжана Таниева көпсайыс қорытындысы бойынша 133.40 ұпай жинап, Азия чемпионы атанған еді. Осылайша, Париж Олимпиадасына жолдама жеңіп алды.

Еске салайық, спорттық гимнастикадан Қазақстан құрамасының мүшесі Нариман Құрбанов Париж Олимпиадасының лицензиясын иеленді.

Мәтіннен қате тапсаңыз, бізге жазыңыз