"Болашақ жарым спортшы болса екен": Әбиба болашақ отбасы туралы ойын бөлісті

Қазақстандық дзюдошы Әбиба Әбужақынова болашақ отбасы туралы өз ойын журналист Ақырыс Сейітқазының YouTube желісіндегі арнасына берген сұқбатында бөлісті. Бұл туралы KAZ.NUR.KZ хабарлайды.

Әбиба Әбужақынова болашақ жарының спорт әлемінен көргісі келетінін айтты.

"Спортшыны тек спортшы ғана түсінеді. Болашақ жарым спортшы болса екен деп армандаймын. Себебі жаттығу кезінде оған көп көңіл бөле алмаймын, ал салмақ қуғанда ашушаң боламын, тамақ ішпеймін. Мұндай жағдайда мені түсінетін адам – спортшы. Бір спортшы жігітпен сөйлесіп көрдім, бірақ, өкінішке қарай, болмады", - деді Әбиба Әбужақынова.

Сондай-ақ Әбиба Әбужақынова 7-арнадағы "Әйгерім Сейфолланың сырласуы" бағдарламасында ата-анасы жұмыс істемейтінін, оларды өзі асырап отырғанын айтқан еді.

Айта кетейік, Әбиба Әбужақынова Париж Олимпиадасының қола медалі үшін күресте швециялық Тара Бабулфатқа есе жіберген болатын.

Мәтіннен қате тапсаңыз, бізге жазыңыз