Қазақстандық спортшы әлем чемпионатында ел рекордын жаңартты

Мажарстан астанасы Будепештте өтіп жатқан жүзуден әлем чемпионатында Әділбек Мусин Қазақстан рекордын жаңартты. Бұл туралы KAZ.NUR.KZ Спортты дамыту дирекциясының Telegram-дағы арнасына сілтеме жасап хабарлайды.

Әділбек Мусин әлем чемпионатында баттерфляй әдісімен жүзуден жекелей сайыста (100 м) сынға түсті. Ол мәреге 50.55 секундта жетіп, Қазақстан рекордын жаңартты. Алайда Әділбек бұл көрсеткішпен жарысты 26-болып аяқтады.

Тағы бір қазақстандық спортшы Максим Сказобцов 34-орынға табан тіреді. Ол белгіленген межені 51.50 секундта жүзіп өтті.

Еске салайық, бұған дейін Қазақстан құрамасы әлем чемпионатында 4х50 метрлік аралас эстафетада ел рекордын орнатқан еді. Аделаида Пчелинцева, Әділбек Мусин, Глеб Коваленя және Ксения Игнатова эстафетаны 1:42.20 минутта аяқтады. Сондай-ақ бұл әлем біріншілігінде Софья Сподаренко (50 метр баттерфляй) және ерлер құрамасы 4х100 метр еркін стильдегі эстафетада Қазақстан рекордын жаңартты.

Мәтіннен қате тапсаңыз, бізге жазыңыз