Еркін күрестен танымал қазақ балуаны жауапты қызметке тағайындалды
Опубликовано:
Еркін күрестен Азия ойындарының күміс жүлдегері Расул Қалиев жауапты қызметке кірісті. Бұл туралы KAZ.NUR.KZ Алматы күрес федерациясының Instagram-дағы парақшасына сілтеме жасап хабарлайды.
Ұлттық құрама мүшесі болған Расул Қалиев Алматы күрес федерациясының еркін күрес бойынша жауапты тұлғасы болып тағайындалды.
Расул Қалиев 1991 жылы бұрынғы Семей облысының Жарма ауданында дүниеге келген. Ол 2013 жылы 55 кг салмақта Азия чемпионатында қола жүлде еншіледі. Ал 2014 жылы Астанада Азия чемпионы атанып, сол жылы Оңтүстік Кореяда өткен Азия ойындарында күміс медаль иеленді.
Еске салайық, Қазақстан грек-рим, еркін және әйелдер күресі федерациясының президенті Дәулет Тұрлыханов еркін күрестен әлем чемпионы Ризабек Айтмұханның болашақ мансабына қатысты пікір білдірген еді.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/other-sports/2208140-erkin-kuresten-tanymal-qazaq-baluany-zhauapty-qyzmetke-tagaiyndaldy/