Түркияға барған қазақстандық құтқарушылар іздестіру жұмыстарына кірісті (фото, видео)

Жер сілкінісінен зардап шеккен Түркияға барған Қазақстан ТЖМ құтқарушылары Ибрахимили ауданында іздестіру-құтқару жұмыстарына кірісті. Бұл туралы ТЖМ ресми Telegram арнасында хабарлады.

Ведомствоның мәліметінше, құтқару жасағы екі топқа бөлінді, олардың әрқайсы қиын учаскелер - қираған тұрғын объектілерді тексеруде.

"Біріншісі - бұл алты қабатты үй, оның толық қирау қаупі бар. Жергілікті тұрғындардың айтуынша, адамдар үйде қалуы мүмкін. Қазіргі уақытта кинологиялық есептер іздеу жұмыстарына кірісті. Егер адам табылса, иттер тиісті белгі беріп, оларды үйінді арасынан шығарып алу жұмыстары басталады.

Екіншісі - бұл толығымен қираған тұрғын үй, онда адамдар да болуы мүмкін", - делінген хабарламада.

Сонымен қатар министрлік жедел ақпарат бойынша құтқарушылар үйінді астынан қайтыс болған адамның денесін шығарғанын мәлімдеді.

Мұнда құтқарушылар конструкцияларды бөлшектеп, іздеу жұмыстарын одан әрі жүргізу үшін үйінді астына түседі.

Сондай-ақ ведомство екі объектіде де құтқарушылар адамдардың болу фактілері толық жойылғанға дейін жұмыс істейтінін хабарлады.

Айта кетейік, мемлекет басшысы Қасым-Жомарт Тоқаевтың тапсырмасымен бүгін қазақстандық құтқарушылар мен медицина қызметкерлері көмек көрсету үшін Түркияның жер сілкінісі болған аймағына аттанған еді. Жасақтың құрамында құтқарушы иттер де бар.

Кейінірек, қазақстандық құтқарушылар мінген ұшақ Түркияның Газиантеп қаласына жеткені белгілі болды.