Түркиядағы жер сілкінісінен қайтыс болғандар саны 4,5 мыңнан асты
Опубликовано:
Түркияда жер сілкінісінен қаза тапқандар саны 4,5 мыңнан асты. Бұл туралы РИА Новостиге сілтеме жасаған KAZ.NUR.KZ хабарлайды.
Басылымның Төтенше жағдайлар басқармасы (AFAD) жер сілкінісі және тәуекелді азайту бөлімінің бас директоры Орхан Татарға сілтеме жасай отырып хабарлауынша, 4544 адам қайтыс болған. Тағы 26 725 адам түрлі жарақат алды.
Еске сала кетсек, бұған дейін Түркиядағы зілзаладан үш қазақстандықтың жоғалып кеткеін жазған едік.
Айта кетейік, мемлекет басшысы Қасым-Жомарт Тоқаевтың тапсырмасымен бүгін қазақстандық құтқарушылар мен медицина қызметкерлері көмек көрсету үшін Түркияның жер сілкінісі болған аймағына аттанған еді. Жасақтың құрамында құтқарушы иттер де бар.
Кейінірек, қазақстандық құтқарушылар мінген ұшақ Түркияның Газиантеп қаласына жеткені белгілі болды.
Қазіргі таңда қазақстандық құтқарушылар екі топқа бөлініп, іздестіру-құтқару жұмыстарын жүргізіп жатыр.
- "30 сағат бойы қиранды астында қалған": Түркиялық қақпашының жансыз денесі табылды
- Түркиядағы жойқын жер сілкінісінен ерлі-зайыпты волейболшылар қайтыс болды
Мәтіннен қате тапсаңыз, бізге жазыңыз
Оригинал статьи: https://kaz.nur.kz/world/2008469-turkiyadagy-zer-silkinisinen-qaitys-bolgandar-sany-45-mynnan-asty/